بیجنگ ۔28مارچ (اے پی پی):چینی کمپنی سے علیحدگی کے لیے قانون بنائے جانے کے دو ماہ سے زیادہ بعد امریکا میں ٹِک ٹاک ایپلی کیشن کا معاملہ نئے سرے سے نمایاں ہوکر سامنے آیا ہے۔ العربیہ کے مطابق امریکی صدر ڈونلڈ ٹرمپ نے ملک میں ٹِک ٹاک پلیٹ فارم کی سرگرمیوں کو فروخت کرنے کے معاہدے کے بدلے چین کے ساتھ کسٹم سمجھوتہ کرنے پر آمادگی ظاہر کی ہے۔
تاہم چین نے اس پیشکش کو مسترد کر دیا۔چینی وزارت خارجہ کے ترجمان گو جیاکون نے کہا ہے کہ ٹک ٹاک کے معاملے کے بارے میں چینی فریق نے بارہا اپنے موقف پر زور دیا ہے اور اضافی کسٹم ڈیوٹی کو مسترد کرنے کا چینی فریق کا موقف مستقل اور واضح ہے۔یہ بیان اس وقت سامنے آیا جب ٹرمپ نے اعلان کیا کہ چین کو ٹک ٹاک سرگرمیوں کی فروخت میں کردار ادا کرنا ہوگا۔ اس نے مزید کہا کہ وہ اس فروخت کو پورا کرنے کے لیے ٹیرف میں ایک چھوٹی سی رعایت دے سکتے ہیں۔
Short Link: https://urdu.app.com.pk/urdu/?p=576841
