اسلام آباد۔23مئی (اے پی پی):آل پاکستان پرائیویٹ سکولزاینڈ کالجز ایسوسی ایشن کے مرکزی صدر ڈاکٹرملک ابرارحسین نے کہا ہے کہ پاکستان میں پونے تین کروڑ آئوٹ آف سکول بچوں کو سکول میں لانے کے لئے ٹھوس اقدامات اٹھانے کی ضرورت ہے، پاکستان میں تعلیم دشمن سرگرمیوں کی روک تھام کے لئے حکومتی سطح پر لائحہ عمل تیار کیا جائے۔ وہ فاطمہ جنا ح ویمن یونیورسٹی میں منعقدہ ”قانون سے آگاہی اور ایجوکیشن فار آل“ سیمینار سے خطاب کر رہے تھے
سیمینار میں ڈاکٹر علی حیدر نقوی ،پروفیسرڈاکٹر شہلا سمیت ملک بھر سے ماہرین تعلیم اور یونیورسٹی طالبات نے شرکت کی اور سکول سے باہر بچوں کو سکول میں لانے کے ساتھ ساتھ پاکستان میں شعبہ تعلیم کو درپیش اہم مسائل اور ان کے حل پرسیر حاصل گفتگو کی۔ڈاکٹر ملک ابرارحسین کاکہنا تھاکہ پاکستان میں تعلیمی نظام کوبہتر بنانے کے لئے ٹھوس لائحہ عمل تیار کرنے کی ضرورت ہے، بدقسمتی سے ہمارے میں تعلیمی شعبہ اور اس سے وابستہ افراد کو آسان ہدف سمجھا جاتاہے
گزشتہ دنوں خضدار میں سکول بس پر خود کش حملہ نے پوری قوم کو سوگ میں مبتلا کردیاہے،ایسے واقعات تعلیم دشمنی کی بدترین مثال ہیں جس کی شدید الفاظ میں مذمت کرتے ہیں، ہماری خواہش ہے کہ ملک میں امن و سلامتی ہو ملک میں تعلیم عام ہو ۔
Short Link: https://urdu.app.com.pk/urdu/?p=600756
