اسلام آباد ۔ 17 جولائی (اے پی پی) الیکشن کمیشن نے سیاسی جماعتوں کو ہدایت کی ہے کہ وہ مالی سال کے2016-17ءاپنے اثاثہ جات کے گوشوارے 29 اگست تک جمع کرا دیں۔ الیکشن کمیشن کی جانب سے جاری پریس ریلیز کے مطابق سیاسی جماعتوں سے کہا ہے کہ وہ سالانہ آمدن اور اخراجات، فنڈز کے ذرائع اور اثاثہ جات کی تفصیلات جمع کرا دیں جبکہ یہ سرٹیفکیٹ بھی دیا جائے کہ کسی ممنوعہ ذرائع سے فنڈز حاصل نہیں کئے گئے۔ اس کےلئے فارم الیکشن کمیشن سیکرٹریٹ، صوبائی الیکشن کمیشن دفاتر سے مفت دستیاب ہیں۔
