تمباکوکم عرصے میں پکنے والی اہم نقدآورفصل ہے،ماہر زراعت

قصور۔ 27 نومبر (اے پی پی):ماہر زراعت وسابق ڈپٹی ڈائریکٹرمحکمہ زراعت (توسیع)قصورنویدامجد نے کہاہے کہ تمباکوکم عرصے میں پکنے والی اہم نقدآورفصل ہے،

پاکستان میں دوسرے کئی ملکوں کی طرح تمباکو کا استعمال بہت زیادہ ہے‘ تمباکوکی کاشت تقریباً ہرقسم کی زمین پر کامیابی سے ہوسکتی ہے لیکن اچھی پیداوار حاصل کرنے کیلئے ہلکی میرازمین جس میں نامیاتی مادے خاصی مقدار میں موجود ہوں توموزوں رہتی ہے،زیادہ بھاری زمین پر اس کی کاشت اسکے معیارکو متاثر کرتی ہے کلراٹھی اور سیم زدہ زمین کے علاوہ تمباکوکوہرقسم کی زمین پر کاشت کیاجاسکتاہے۔

انہوں نے”اے پی پی“کو بتایا کہ زمین کی تیاری کے دوران ایک دفعہ مٹی پلٹنے والا ہل اورپھر عام دیسی ہل تین چار دفعہ چلاکر ایک دفعہ سہاگہ اچھی طرح دے دیں جس سے زمین اچھی طرح بھر بھری ہوجائے،تمباکوکی کاشت بذریعہ پنیری کی جاتی ہے،پنیری کی کاشت کیلئے ہلکی ریتلی میرازمین موزوں رہتی ہے،

کیاریاں بنانے سے پہلے زمین کو اچھی طرح تیارکرکے اس میں گوبرکی گلی سڑی کھادملالینی چا ہیئے ۔یہ عمل پنیری کاشت کرنے سے 2ہفتے پہلے کرناچا ہیئے دیگر فصلوں کی طرح تمباکوکی پیداوار بھی بڑی بوٹیوں کی موجودگی سے خاصی متاثرہوتی ہے اسلئے وقفے وقفے سے گوڈی کرتے رہناچا ہیئے تاکہ کھیت جڑی بوٹیوں سے صاف رہے،تمباکوکی فصل کو پکنے تک 8سے10فیصد پانی درکار ہوتاہے،زیادہ پانی بھی تمباکوکے معیارکوخراب کرتاہے،تمباکو کی فی ایکڑ پیداواربڑھانے کیلئے کھادوں کا استعمال انتہائی ضروری ہے۔

Short Link: https://urdu.app.com.pk/urdu/?p=414562