تھائی لینڈ کی خواتین کرکٹ ٹیم آئی سی سی ویمن کرکٹ ورلڈ کپ کوالیفائر ایونٹ میں شرکت کے لئے پاکستان پہنچ گئی

اسلام آباد۔4اپریل (اے پی پی):آئی سی سی ویمن کرکٹ ورلڈ کپ کوالیفائر2025 میں شرکت کے لئے تھائی لینڈ کی ویمنز کرکٹ ٹیم پاکستان پہنچ گئی۔تھائی لینڈ کی ٹیم آج جمعہ کو پاکستان کی خواتین کرکٹ ٹیم کے خلاف وارم اپ میچ سے اپنی تیاریوں کا آغاز کرے گی۔ڈے اینڈ نائٹ میچ ایل سی سی اے گراؤنڈ میں کھیلا جائے گا۔

واضح رہے کہ پاکستان ویمنز کرکٹ ٹیم کے ہیڈ کوچ محمد وسیم کا کہنا ہے کہ آئی سی سی ویمنز کرکٹ ورلڈ کپ کوالیفائر کے لئے قومی ٹیم کی تیاری بہت اچھی ہے۔تھائی لینڈ کی ویمنز کرکٹ ٹیم آئی سی سی ویمن کرکٹ ورلڈ کپ کوالیفائر2025 میں اپنی مہم کا آغاز 10 اپریل کو بنگلہ دیش کی ویمنز ٹیم کے خلاف میچ سے کرے گی۔

Short Link: https://urdu.app.com.pk/urdu/?p=578386