فیصل آباد۔ 02 اکتوبر (اے پی پی):ریسرچ انفارمیشن یونٹ آری فیصل آباد کے ماہرین نے کہا ہے کہ باغبان جامن کے پودوں کےلئے کھاد کا بروقت اور متناسب استعمال یقینی بنائیں ، مناسب افزائش نسل کےلئے ماہرین زراعت کی مشاورت سے کھادوں کا متناسب استعمال اشد ضروری ہے ، کھادوں کے موزوں استعمال سے جامن کے پھل کی اچھی بڑھوتری یقینی ہو جاتی ہے۔
ترجمان کے مطابق جامن کے چھوٹے پودوں کو گوبر کی 20سے 30کلوگر ام فی پودا گلی سڑی کھاد جبکہ بڑے پودے کی صورت میں 50سے55کلوگرام فی پودا گوبر کی گلی سڑی کھاد ڈالنا اشد ضروری ہے۔
انہوں نے بتایاکہ باغبان و کاشتکار جامن کے چھوٹے پودوں کو ایک پاؤ یوریا ایک پاؤ ڈی اے پی، آدھا کلوگرام ایس او پی جبکہ بڑے پودوں کو 3پاؤ یوریا، 3پاؤ ڈی اے پی، 3پاؤ ایس او پی فی پودا ڈالیں تاکہ جامن کا صحتمند اور معیاری پھل حاصل کرناممکن ہو سکے۔
Short Link: https://urdu.app.com.pk/urdu/?p=507683
