اسلام آباد ۔ 24 اکتوبر (اے پی پی) وفاقی وزیر سائنس و ٹیکنالوجی چوہدری فواد حسین نے کہا ہے کہ ایک طبقہ نواز شریف اور مریم نواز کو سیاسی قیدی کے طور پر پیش کر رہا ہے لیکن حقیقت یہ ہے کہ شریف فیملی اربوں روپے کی کرپشن میں ملوث ہے۔جمعرات کو اپنے ٹویٹ میں فواد چوہدری نے کہا ہے کہ ہمارے ہاں امیر بیمار ہو تو لگتا ہے قیامت آ جائے گی۔پاکستان میں جب تک عام آدمی اور سیٹھ کیلئے ایک قانون نہیں ہوتا ہم پسماندہ معاشرہ رہیں گے۔ فواد چوہدری نے کہا کہ ساری اپوزیشن کا ایک مقصد ہے کہ وہ قوم کے پیسے واپس کئے بغیر مقدمات سے نکل جائیں۔ انہوں نے کہا کہ طاقتور طبقات کی بلیک میلنگ میں غلط ہے۔ دھرنا دینے والوں کو انھیں کی زبان میں جواب دینا چاہئے۔
