ٹورنٹو۔1اگست (اے پی پی):جرمنی کے نامور ٹینس سٹار اور ایونٹ کے ٹاپ سیڈڈ الیگزینڈرزویروف اپنی پیش قدمی کو برقرار رکھتے ہوئے اے ٹی پی کینیڈین اوپن ٹینس ٹورنامنٹ مردوں کے سنگلز مقابلوں کے پری کوارٹر فائنل میں پہنچ گئے۔28 سالہ جرمنی کے نامور ٹینس سٹار اور ایونٹ کے ٹاپ سیڈڈ الیگزینڈرزویروف نے مینز سنگلز تیسرے رائونڈ میچ میں اٹلی کے 24 سالہ حریف کھلاڑی اٹلی کے میٹیو آرنلڈی کے خلاف 1-2 سیٹس سےکامیابی حاصل کی۔
اے ٹی پی کینیڈین اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہےجس میں شائقین ٹینس کو انتہائی دلچسپ اور کانٹے دار مقابلے دیکھنے کو ملیں گے۔ آئی جی اے سٹیڈیم مونٹریال میں جاری ایونٹ میں مردوں کے سنگلز مقابلوں کے تیسرے رائونڈ میچ میں جرمنی کے نامور ٹینس سٹار اور ایونٹ کے ٹاپ سیڈڈ الیگزینڈرزویروف نے عمدہ کھیل پیش کرتے ہوئے اٹلی کے 24 سالہ حریف کھلاڑی اٹلی کے میٹیو آرنلڈی کو 7-6(7-5)،3-6 اور 2-6 سے شکست دے کر ایونٹ پری کوارٹر فائنل رائونڈ کے لئے کوالیفائی کرلیا، جہاں جرمن ٹینس سٹار کا مقابلہ ارجنٹائن کے فرانسسکو سیرونڈولو سے ہوگا۔
