لاہور۔8نومبر (اے پی پی):انسداددہشت گردی کی خصوصی عدالت کے جج ارشد جاوید نے نو مئی کے جلائو گھیرائو مقدمات میں بانی پی ٹی آئی کی بہنوں علیمہ خان، عظمیٰ خان اور سابق وفاقی وزیر فواد چوہدری ودیگر ملزمان کی عبوری ضمانتوں میں7دسمبر تک توسیع کرتے ہوئے وکلاء کو حتمی دلائل کیلئے طلب کرلیا، عدالت نے علیمہ خان اور عظمیٰ خان کی ایک روزہ حاضری معافی کی درخواست منظور کرتے ہوئے ریمارکس دیئے کہ علیمہ خان، عظمیٰ خان و دیگر ملزمان کی ایک روزہ حاضری معافی کی درخواست آخری بار منظور کررہا ہوں،
آئندہ سماعت پر ملزمان عدالت پیش ہوں ،پراسیکیوٹر نے کہا کہ آج ملزمان کے راولپنڈی اور اسلام آباد کی عدالتوں میں کیسز ہیں ،عدالت میں جے آئی ٹیز کی تفتیش رپورٹ پیش کردی گئی، رپورٹ میں کہا گیا ہے کہ فواد چوہدری ،علیمہ خان ،عظمیٰ خان و دیگرملزمان قصور وار ہیں جبکہ ملزم ولی خان قصور وار نہیں پایا گیا،فواد چوہدری ،ملک کرامت کھوکھر اور مسزمزمل مسعود بھٹی سمیت دیگر عدالت میں پیش ہوئے
