اسلام آباد۔24فروری (اے پی پی):پاکستان مسلم لیگ (ن) کے سینئر رہنما سینیٹر عرفان صدیقی نے کہا ہےکہ جمہوری فیصلے سڑکوں کے بجائے پارلیمنٹ میں ہونے چاہئیں۔ہفتہ کو نجی ٹی وی سے گفتگو کرتے ہوئےانہوں نے اپوزیشن جماعتوں پر زور دیا کہ وہ اپنی تنقید کو اصلاحات اور قانون سازی کی طرف موڑ دیں۔انہوں نے قومی ترقی کےفروغ میں پارلیمانی سیاست کے اہم کردار پر زور دیا،جمہوری اقدار کے لیے مسلم لیگ (ن) کی وابستگی کی عکاسی کرتے ہوئےسینیٹر عرفان صدیقی نے پارٹی کی ذمہ دارانہ طرز حکمرانی اور اپوزیشن کے کردار پر روشنی ڈالی۔انہوں نے مزید کہا کہ مسلم لیگ (ن) نے 2013 سے 2018 تک مثالی طرز حکمرانی کا مظاہرہ کیا اور اس کے بعد 2022 تک ذمہ دار اپوزیشن کا کردار ادا کیا۔
انہوں نے اسمبلی کے تحفظ اور ماضی میں حکومت کے تسلسل کو یقینی بنانے میں مسلم لیگ (ن) اور دیگر اپوزیشن جماعتوں کے کردار پر روشنی ڈالی۔انہوں نے جمہوری اصولوں کے دائرے میں رہتے ہوئے ملک کی خوشحالی کو یقینی بنانے میں اپوزیشن کے کردار کی اہمیت کو اجاگر کیا۔پاکستان پیپلز پارٹی (پی پی پی) کے کابینہ کا حصہ نہ ہونے کے باوجودانہوں نے مشاورت کے ذریعے قومی بہتری کے عمل میں ان کی شمولیت کی یقین دہانی کرائی۔انہوں نے ملک کی ترقی اور آگے کی طرف لے جانے میں اسٹیک ہولڈرز کے تعاون کی اہمیت پر زور دیا۔
