جوہانسبرگ ۔ 16 اپریل (اے پی پی) جنوبی افریقہ کی کرکٹ ٹیم مئی میں انگلینڈ کا دورہ کرے گی جہاں وہ تین ون ڈے، تین ٹی 20 اور چار ٹیسٹ میچ کھیلے گی، جنوبی افریقن ٹیم دورے کا آغاز 19 مئی کو سسیکس کے خلاف پریکٹس میچ سے کرے گی جبکہ دوسرا وارم اپ میچ 21 مئی کو نارتھمنٹن شائر کے خلاف کھیلے گی، ون ڈے سیریز کا باقاعدہ آغاز 24 مئی کو لیڈز سے ہوگا، دوسرا ون ڈے 27 مئی کو ساﺅتھمپٹن جبکہ تیسرا 29 مئی کو لارڈز میں کھیلا جائے گا، ٹی 20 اور ٹیسٹ سیریز چیمپئنز ٹرافی کے بعد کھیلی جائے گی۔
