جنگ بندی کی تجویز کا جواب نہ دینے کا مطلب روس جنگ جاری رکھنا چاہتا ہے، یوکرین

کیف ۔14مارچ (اے پی پی):یوکرین نے کہا ہے کہ جنگ بندی کی تجویز کا جواب نہ دینے کا مطلب یہ ہے کہ روس جنگ جاری رکھنا چاہتا ہے۔

اے ایف پی کے مطابق یوکرین کے صدر ولادیمیر زیلنسکی نے ایک بیان میں کہا کہ حقیقت یہ ہے کہ امریکا کی جانب سے 30 روزہ جنگ بندی کی تجویز پر روس کی جانب سے کوئی بامعنی ردِعمل نہیں آیا، اس کا مطلب یہ ہے کہ وہ لڑائی جاری رکھنا چاہتا ہے۔

انہوں نے کہاکہ امید کرتے ہیں کہ امریکی دباؤ یوکرین میں رُوس کو جنگ ختم کرنے پر مجبور کرنے کے لیے کافی ہو گا۔

Short Link: https://urdu.app.com.pk/urdu/?p=572355