اسلام آباد۔29اگست (اے پی پی):جولائی 2022کے دوران گوشت اور اس کی مصنوعات کی قومی برآمدات میں 48.32 فیصد اضافہ ہوا ہے۔ ادارہ برائے شماریات پاکستان (پی بی ایس) کے اعداد و شمار کے مطابق اس دوران برآمدات کی مالیت 5.6 ارب روپے تک بڑھ گئی جبکہ جولائی 2021 کے دوران گوشت اور اس کی مصنوعات کی برآمدات کا حجم 3.8 ارب روپے رہا تھا۔ اس طرح جولائی 2021 کے مقابلہ میں جولائی 2022 کے دوران گوشت اور اس کی مصنوعات کی ملکی برآمدات میں 1.8 ارب روپے یعنی 48 فیصد سے زیادہ کا اضافہ ریکارڈ کیا گیا ہے۔
