اسلام آباد۔19نومبر (اے پی پی):وزیراعظم کے نمائندہ خصوصی برائے مذہبی ہم آہنگی مشرق وسطیٰ و پاکستان علماء کونسل کے چیئرمین حافظ طاہر محمود اشرفی نے تحریک لبیک کے سربراہ خادم حسین رضوی کے انتقال پر گہرے دکھ اور افسوس کا اظہار کیا ہے۔ جمعرات کو اپنے تعزیتی بیان میں انہوں نے کہا کہ علامہ خادم حسین رضوی کا انتقال سانحہ ہے۔ انہوں نے مرحوم کے درجات کی بلندی اور لواحقین کے لئے صبر جمیل کی دعا کی۔
