حضرت علی بن عثمان الہجویری المعروف حضرت داتا گنج بخش ؒکے مزارکو غسل مبارک دینے کی تقریب
وزیراعلیٰ شہبازشریف ‘وفاقی وزیر اسحاق ڈاراوردیگر شخصیات نے مزار کوعرق گلاب سے غسل دیا
لاہور۔11 اکتوبر(اے پی پی )حضرت علی بن عثمان الہجویری المعروف حضرت داتا گنج بخشؒکے مزار کو سالانہ غسل مبارک دینے کی تقریب یہاں منعقد ہوئی جس میں وزیراعلیٰ پنجاب محمد شہباز شریف،وفاقی وزیر خزانہ اسحاق ڈار‘صوبائی وزیربلال یاسین‘عطامانیکا‘اراکین قومی و صوبائی اسمبلی اورعقیدت مندوں کی بڑی تعداد نے شرکت کی،وزیراعلیٰ شہبازشریف ‘وفاقی وزیر اسحاق ڈاراوردیگر شخصیات نے حضرت داتا گنج بخشؒ کے مزار کو عرق گلاب سے غسل دیا اورمزار پرپھولوں کی چادر چڑھائی،وزیراعلیٰ شہباز شریف‘ وفاقی وزیر اسحاق ڈاراورسینکڑوں عقیدت مندوں نے اس موقع پر ملک کی ترقی‘ خوشحالی‘استحکام اورقیام امن کے لئے خصوصی دعائیںبھی کیں۔
