حکومت علاقائی کھیلوں کے فروغ کیلئے اقدامات کر رہی ہے،صوبائی وزیرآبیاشی خیبرپختونخوا

پشاور۔ 04 اکتوبر (اے پی پی):صوبائی وزیرآبیاشی خیبرپختونخوا عاقب اللہ خان نے کہا ہے کہ حکومت علاقائی کھیلوں کے فروغ کیلئے اقدامات کر رہی ہے۔مرغز صوابی میں روایتی کھیل بیل جلسے کے انعقاد کے موقع پر منعقدہ تقریب سے بطور مہمان خصوصی خطاب کرتے ہوئے صوبائی وزیر آبپاشی نے کہا کہ حکومت علاقائی کھیلوں کے فروغ کیلئے ہر ممکن کوشش اور عملی اقدامات کر رہی ہے۔

صوابی میں ہر یونین کونسل میں کھیلوں کے فروغ کے لیے گراؤنڈ بنائے گئے ہیں۔انہوں نے کہاکہ بام خیل صوابی میں سپورٹس کمپلیکس بنایا گیا ہے جس سے کھیلوں کو فروغ مل رہا ہے۔ انہوں نے کہاکہ بام خیل سپورٹس کمپلیکس میں انٹرنیشنل کھلاڑی یہاں تربیت حاصل کرنے کے لیے آتے ہیں جو ضلع صوابی کے لیے کسی اعزاز سے کم نہیں ہے۔

اس موقع پر بہترین کارکردگی کا مظاہرہ کرنے والے بیل مالکان میں نقد انعامات اور ٹرافیاں تقسیم کی گئیں۔تقریب میں سیکرٹری سپورٹس خیبر پختونخوا مطیع اللہ خان، ڈی جی سپورٹس، ڈپٹی کمشنر صوابی نصر اللہ خان، ڈسڑکٹ سپورٹس آفیسر ابراہییم خان مہمند، تحصیل چیرمین صوابی عطاء اللہ خان کے علاوہ لوگوں نے کثیر تعداد میں شرکت کی ۔

Short Link: https://urdu.app.com.pk/urdu/?p=508310