اسلام آباد۔6جولائی (اے پی پی):وزیراعظم کے مشیر برائے سیاسی امور رانا ثناء اللہ نے ملک میں سیاسی اور انتخابی مسائل کے حل کے لیے مذاکرات اور جمہوری تعاون پر زور دیا ہے۔اتوار کو اپنے ایک انٹرویو کے دوران انہوں نے کہا کہ حکومت محاذ آرائی کے بجائے اتفاق رائے سے آگے بڑھنے پر یقین رکھتی ہے۔
انہوں نے واضح کیا کہ پاکستان تحریک انصاف کے سابق چیئرمین عدالتی حراست میں ہیں اور کسی بھی ملاقات کی اجازت کا تعین وفاقی حکومت نہیں بلکہ عدالت کرتی ہے۔مخصوص نشستوں کے بارے میں خدشات کا جواب دیتے ہوئے انہوں نے کہا کہ اس سلسلہ میں آئینی اور قانونی طریقہ کار کی پیروی کی گئی ہے۔
انہوں نے کہا کہ بعض گروہوں کی جانب سے بار بار الزامات اور متضاد بیانات نے اعتماد کو کمزور اور جمہوری عمل کو متاثر کیا ہے۔انہوں نے تمام سیاسی جماعتوں پر زور دیا کہ وہ پارلیمنٹ میں واپس آئیں اور قومی مسائل کے حل کے لیے تعمیری انداز میں اپنا کردار ادا کریں۔
