بیجنگ ۔18دسمبر (اے پی پی):حیاتیاتی تنوع پر اقوام متحدہ کے کنونشن کے فریقیں کی15ویں کانفرنس کے دوسرے مرحلے کااعلیٰ سطح اجلاس اختتام پذیر ہو گیا۔
چینی نشریاتی ادارے کے مطابق حیاتیاتی تنوع کے کنونشن کے فریقوں کی پندرہویں کانفرنس کے چیئرمین اور چین کے وزیر برائے حیاتیاتی ماحول ہوانگ رن چھو نے اختتامی تقریب کی صدارت کی۔ شرکا "پوسٹ 2020 گلوبل بائیو ڈائیورسٹی فریم ورک”کے ابتدائی نتیجے اور نفاذ کے منتظر تھے۔ہوانگ رن چھو نے کہا کہ گزشتہ دو دنوں میں اعلیٰ سطحی اجلاس میں ہونے والی بات چیت بہت تعمیری اور نتیجہ خیز رہی ۔
انہوں نے کہا کہ کانفرنس میں عملی اور متوازن "پوسٹ 2020 گلوبل بائیو ڈائیورسٹی فریم ورک”کی تشکیل کو فروغ دینے کے لیے حکمت اور طاقت کے لحاظ سے بھرپور حصہ لیا گیا اور تمام فریقین نے اس خواہش کا اظہار کیا کہ "فریم ورک” کو جلد از جلد لاگو کیا جائے گا۔
اختتامی تقریب میں مختلف شعبوں سے تعلق رکھنے والے نمائندوں نے "2020 کے بعد کے عالمی حیاتیاتی تنوع کے فریم ورک کے تیزی سے نفاذ اور کاپ 15 کی اہم متوازی سرگرمیوں کے نتائج میں تمام فریقوں کی شراکت ” پر تبادلہ خیال کیا۔ مشرقی تیمور کے سیکرٹری آف اسٹیٹ برائے ماحولیات کاروالہو نے کہا کہ ہمیں امید ہے کہ "پوسٹ 2020 گلوبل بائیو ڈائیورسٹی فریم ورک”جلد ہی سامنے آئے گا اور اور کاروباری، نجی اور سرکاری اداروں کے اقدامات کی رہنمائی کرے گا، تاکہ کرہ ارض کو ہمارے اور آنے والی نسلوں کے لیے ایک بہتر جگہ بنائی جاسکے گی۔
