خام تیل کے نرخوں میں اضافہ

سنگاپور ۔ 20 جون(اے پی پی) ایشیائی آئل مارکیٹ میں پیر کو خام تیل کے نرخوں میں اضافے کا رجحان رہا جس کی وجہ ڈالر کی شرح تبادلہ میں کمی اور برطانیہ کے یورپی یونین سے انخلاءبارے خدشات کا کم ہونا ہے۔ کاروباری ہفتہ کے پہلے روز امریکا کے ویسٹ ٹیکساس انٹرمیڈیٹ کے آئندہ ماہ ترسیل کے معاہدے 44 سینٹ (0.92 فیصد) کے اضافے سے 48.42 ڈالر فی بیرل میں ہوئے جبکہ برینٹ نارتھ سی کروڈ کے اگست میں ترسیل کے سودے 35 سینٹ (0.71 فیصد)ب کی بہتری سے 49.52 ڈالر فی بیرل میں طے پائے۔

Short Link: https://urdu.app.com.pk/urdu/?p=9297