لاہور۔13 جون(اے پی پی )چیئرمین جوائنٹ چیفس آف سٹاف کمیٹی جنرل زبیرمحمودحیات نے کہاہے کہ خطے میں سکیورٹی کی صورت حال کا دارومدار ساﺅ تھ ایشیاءمیں امن و استحکام سے منسلک ہے،اکیسویں صدی میں جنگ کی حکمت عملی کافی حد تک بدل چکی ہے،وہ پاکستان نیوی وار کالج لاہور میں کورس کے شرکاءاور فیکلٹی ممبران سے خطاب کر رہے تھے۔چیئرمین جوائنٹ چیفس آف سٹاف کمیٹی کی پی این وار کالج آمد پر کمانڈنٹ پی این وار کالج نے استقبال کیا۔اس موقع پرچیئرمین جوائنٹ چیفس آف سٹاف کمیٹی نے پاکستان کو درپیش نیشنل سکیورٹی چیلنجز پر تفصیل سے روشنی ڈالی۔جنرل زبیرمحمودحیات نے خطے میں اور خصوصی طور پر افغانستان میں امن و استحکام کے قیام کے سلسلے میں پاکستان کی کوششوں سے آگاہ کیا۔بعدازاںچیئرمین جوائنٹ چیفس آف سٹاف کمیٹی نے شرکاءکے سوالات کے سیر حاصل جوابات بھی دیئے۔قبل ازیں چیئرمین جوائنٹ چیفس آف سٹاف کمیٹی نے یاد گارِ شہداءپر پھولوں کی چادر چڑھائی اور فاتحہ خوانی بھی کی۔
