لاہور۔7اپریل (اے پی پی):انسدادِ دہشت گردی کی خصوصی عدالت نے معروف ڈرامہ نگار و اداکارخلیل الرحمن قمر کو ہنی ٹریپ اور اغوا برائے تاوان کے الزام میں درج مقدمے میں نامزد مرکزی ملزمہ آمنہ عروج اور حسن شاہ سمیت 12 ملزمان کے خلاف کیس کی سماعت کل بروز منگل تک ملتوی کرتے ہوئے ملزمان کے وکلا کو حتمی بحث کے لیے طلب کر لیا،انسداد دہشتگری عدالت لاہور کے جج ارشد جاوید نے کیس پر سماعت کی۔ پیر کو سماعت پر ڈرامہ نگار خلیل الرحمن قمر ذاتی حیثیت میں کمرہ عدالت میں پیش ہوئے
جبکہ مقدمہ میں نامزد مرکزی ملزمہ آمنہ عروج اور حسن شاہ سمیت10 ملزمان کو جیل سے لا کر عدالت میں پیش کیا گیا، ضمانت پر رہا ملزم یاسر علی بھی عدالت میں پیش ہوئے،ڈپٹی پراسکیوٹر نے ملزمان کے خلاف حتمی دلائل دیئے،عدالت نے مزید سماعت کل منگل تک ملتوی کرتے ہوئے ملزمان کے وکلا کو حتمی دلائل کے لئے طلب کر لیا۔
Short Link: https://urdu.app.com.pk/urdu/?p=579123
تک ملتوی،حتمی دلائل طلب){kind=link}