خواتین یونیورسٹی میں ,”یوتھ انٹرپرینیورشپ پروگرام ” کے موضوع پر سیمینار کا انعقاد کیا گیا۔

ملتان ۔ 24 اپریل (اے پی پی):خواتین یونیورسٹی ملتان میں انٹرپرینیورشپ بطور قابل عمل کیریئر آپشن (یوتھ انٹرپرینیورشپ پروگرام) میں سمیڈا کی بصیرت کو اجاگر کیا گیا۔ تقریب کی مہمان خصوصی پرو وائس چانسلر پروفیسر ڈاکٹر کلثوم پراچہ اور ڈاکٹر انعم زہرہ، اسسٹنٹ پروفیسر شعبہ میتھمیٹکس خواتین یونیورسٹی فوکل پرسن تھیں۔

تقریب سے خطاب کرتے ہوئے پرو وائس چانسلر پروفیسر ڈاکٹر کلثوم پراچہ نے کہا کہ جدت اور تخلیقی صلاحیتیں انٹرپرینیورشپ کے لازمی اجزا ہیں۔ انہوں نے کہا کہ نوجوانوں کو جدید سوچ اور کاروباری صلاحیتوں سے آراستہ کرنا ہوگا، تاکہ وہ نوکری کے متلاشی کے بجائے روزگار فراہم کرنے والے بن سکیں۔

پہلا سیشن قاضی صدام نصیر، ریجنل بزنس کوآرڈینیٹر، سمیڈا، سے خطاب کرتے ہوئے کہا کہ پرائم منسٹر یوتھ پروگرام پاکستان کے نوجوانوں کے لیے گیم چینجر ہے ۔انہوں نے نئے کاروباری آئیڈیاز اور انٹرپرینیورشپ (انٹر پرینیور شپ) کی حمایت میں خواتین یونیورسٹی کے بزنس انکیوبیشن سینٹر کے کردار کی تعریف کرتے ہوئے کہا کہ سیمیڈا یسے پروگرام متعارف کروا رہا ہے ،جو پاکستان کی معیشت کو مستحکم کرنے میں مددگار ثابت ہوں سکیں، اور نوجوان اس سے براہ راست مستفید ہو سکیں گے۔ اس موقع پر چیئرپرسن شعبہ میتھمیٹکس ڈاکٹر قمر رباب دیگر اساتذہ اور طالبات بھی موجود تھیں ۔

Short Link: https://urdu.app.com.pk/urdu/?p=586998