اسلام آباد ۔ 10 نومبر (اے پی پی) خوردنی تیل کی ملکی درآمدات میں 10 فیصد اضافہ کی توقع ہے۔ مقامی طلب میں اضافہ اور عالمی شطح پر خوردنی تیل اور تیل دار اجناس کی توقع سے کم پیداوار ملکی درآمدات میں اضافہ کے بنیادی اسباب میں شامل ہیں۔ پاکستان ویجی ٹیبل مینوفیکچررز ایسوسی ایشن (پی وی ایم اے) کے سینئر ممبر رضا ابراہیم نے کہا ہے کہ رواں سال ملک میں تیل دار اجناس کی پیداوار کم رہی ہے اور یہی صورتحال عالمی سطح پر بھی ہے۔ انہوں نے کہا کہ پاکستان خوردنی تیل کی ضروریات پوری کرنے کیلئے ہر سال تقریباً 3 ملین ٹن تیل دار اجناس اور تقریباً 2.81 ملین ٹن پام آئیل درآمد کرتا ہے
