اسلام آباد۔26فروری (اے پی پی):محکمہ موسمیات نے بدھ کی(رات) سے28فروری کے دوران شدید بارش/برف باری کے باعث مری، گلیات، ناران، کاغان، دیر، سوات، کوہستان، مانسہرہ، ایبٹ آباد، شانگلہ، استور، ہنزہ، سکردو، وادی نیلم، باغ، پونچھ، حویلی میں سڑکوں کے بند ہونے اور پھسلن کی وجہ سے ٹریفک کی روانی میں خلل کا اندیشہ ظاہر کیا ہے،شدیدبارش /برف باری کے باعث خیبر پختونخوا کے پہاڑی علاقوں ، کشمیر ، گلگت بلتستان ، مری اور گلیات میں لینڈ سلائیڈنگ کا خطرہ ہے، بارش اور برف باری کے دوران سیاحوں کو محتاط رہنے اور غیر ضروری سفر سے اجتناب کرنے کی ہدایت کی گئی ہے ۔
محکمہ موسمیات کے مطابق (کل )جمعرات کوخیبرپختونخوا، کشمیر، گلگت بلتستان، بالائی/ وسطی پنجاب ،اسلام آباداور شمال مشر قی بلو چستان میں ا کژ مقامات پر تیز ہواؤں اور گرج چمک کے ساتھ وقفہ وقفہ سے مزید بارش اورپہاڑوں پر برف باری کا امکان ہے۔اس دوران بالائی خیبرپختونخوا، کشمیر، گلگت بلتستان اور شمال مشر قی پنجاب میں بعض مقامات پر موسلادھار بارش اور پہاڑوں پر شدید بر ف باری کی توقع ہے جبکہ چند مقامات پر ژالہ باری ہو سکتی ہے۔ شمال مشر قی /مغربی بلو چستان میں چند مقامات پر تیز ہواؤں اور گرج چمک کے ساتھ بارش کی توقع ۔
ملک کے دیگر علا قوں میں مطلع جزوی ابر آلود رہنے کا امکان ہے۔گذشتہ 24 گھنٹوں کے دوران خیبرپختونخوا ،بالائی پنجاب، اسلام آباد، شمال مشرقی بلوچستان ،کشمیر اور گلگت بلتستان میں گرج چمک کے ساتھ بارش اور پہا ڑوں پر برف باری ہوئی ۔ملک کے دیگر علاقوں میں موسم خشک اور مطلع جزوی ابر آلود رہا۔سب سے زیادہ بارش کشمیر میں گڑھی دوپٹہ 71، مظفر آباد (سٹی 34، ایئرپورٹ 27)، راولاکوٹ 25، کوٹلی 07، خیبر پختونخوا میں دیر (بالائی 52، زیریں 40)، بالاکوٹ 48، کالام 46، سیدو شریف 45، پٹن 43، چترال 39، مالم جبہ36،چراٹ33،کاکول 29، میرکھانی 28، پشاور (ایئرپورٹ 27، سٹی 22)، باچا خان ایئرپورٹ 26، دروش 21، تخت بائی 19، بنوں 14، پاراچنار 10، ڈی آئی خان (ایئرپورٹ 07، سٹی 05)، گلگت بلتستان میں سکردو 25،
استور 22، چلاس 20، بگروٹ 13، گلگت 11، گوپس 06، بونجی 02،پنجاب میں مری 28، اسلام آباد (ایئرپورٹ 10، زیروپوائنٹ 09، گولڑہ 08، بوکرا ، سید پور08)، راولپنڈی (کچہری، شمس آباد 07، چکلالہ ایئرپورٹ 03)، نارووال 02، حافظ آباد 01، بلوچستان میں کوئٹہ( سمنگلی )میں 02 ملی میٹر بارش ریکارڈ کی گئی۔اس دوران کالام 16،سکردو 11، مالم جبہ، چترال 08، استور 05،بگروٹ اور دروش میں ایک انچ بر ف باری ہوئی۔
بدھ کو ریکارڈکئے گئے کم سےکم درجہ حرارت پاراچنارمنفی05،لہہ منفی03، گوپس منفی 02، کالام، مالم جبہ اور اسکردومیں منفی 01 ڈگری سینٹی گریڈ ریکارڈ کیا گیا ۔
Short Link: https://urdu.app.com.pk/urdu/?p=566701
