اسلام آباد۔10مارچ (اے پی پی):وفاقی وزیر امور کشمیر اور پاکستان مسلم لیگ (ن) خیبرپختونخوا کے صدر انجینئر امیر مقام نے کہا ہے کہ خیبرپختونخوا کی حکومت کی کارکردگی کا کتابچہ خود پی ٹی آئی نے پھاڑ کر پرزے پرزے کردیا ہے،گیارہ سال سے زائد عرصے سے مسلط پی ٹی آئی حکومت نے خیبرپختونخوا کو آثارقدیمہ بنادیا ہے۔
پیر کو اپنے ایک بیان میں وفاقی وزیر نے کہا کہ پی ٹی آئی کے اپنی بدترین کارکردگی کے اعتراف کے بعد خیبرپختونخوا کو حقیقی عوامی حکومت ملنی چاہیے۔انہوں نے کہا کہ پی ٹی آئی کارکنوں نے بدترین کارکردگی کا آئینہ اڈیالہ جیل میں قید اپنے لیڈر کو دکھایا ہے، وفاق، پنجاب اور خیبرپختونخوا ہر جگہ پی ٹی آئی نے تباہی، بربادی اور کرپشن کے ریکارڈ بنائے۔
انہوں نے کہا کہ گیارہ سال سے زائد عرصے سے مسلط پی ٹی آئی حکومت نے خیبرپختونخوا کو آثارقدیمہ بنادیا ہے۔
Short Link: https://urdu.app.com.pk/urdu/?p=570707
