اقوام متحدہ ۔ 12 فروری (اے پی پی) اقوام متحدہ کے شعبہ انسداد دہشت گردی کے ایک سینئر عہدیدارنے کہا ہے کہ شام اور عراق میںداعش کو کاری ضرب لگائی گئی مگر اس کے باوجود یہ گروپ عالمی سلامتی کے لئے بدستور خطرہ ہے۔ اقوام متحدہ کے انسداد دہشت گردی شعبے کے سینئر عہدیدار ولادی میر فورنکوف نے سلامتی کونسل کو بریفنگ دیتے ہوئے کہا کہ داعش کی صفوں میں لڑنے والے ہزاروں جنگجو یا تو زیرزمین چلے گئے یا اپنے ملکوں کو واپس لوٹ گئے ہیں، بہت سے جنگجووں کو گرفتار کرنے کے بعد رہا کردیا گیا۔ انہوںنے کہا کہ شام اور عراق کی سرزمین داعش کے لئے اب بھی پرکشش ہے، جہاں اس کے جنگجووں کی تعداد 14 سے 18 ہزار کے درمیان ہے۔
