دبئی میں رمضان کے وسط تک 127 گداگر گرفتار، 50 ہزار درہم برآمد

دبئی ۔22مارچ (اے پی پی):متحدہ عرب امارات میں دبئی پولیس نے رمضان کے وسط تک 127 گداگروں کو گرفتار کیا ہے۔ ان کے قبضے سے 50 ہزار درہم برآمد ہوئے ہیں۔امارات الیوم کے مطابق دبئی پولیس کے جنرل ڈیپارٹمنٹ آف کریمنل انویشٹی گیشن نے دبئی پولیس سٹیشنوں کے تعاون سے کارروائی کی۔

حکام نے کہا کہ انسداد گداگری مہم میں سخت اور فیصلہ کن اقدامات کے باعث گداگروں کی سالانہ تعداد میں کمی آرہی ہے۔رمضان کے دوران انسداد گداگری کے لیے کاررواوئیوں کو تیز کرتے ہوئے ایک جامع سکیورٹی پلان بنایا کیا گیا ہے، ان علاقوں میں گشت بڑھادیا گیا جہاں گداگروں کی موجودگی کا امکان ہے۔

Short Link: https://urdu.app.com.pk/urdu/?p=575310