ابوظہبی ۔4مارچ (اے پی پی):متحدہ عرب امارات کی ریاست دبئی کی پولیس نے گداگروں کے خلاف مہم کے دوران خواتین سمیت 9 کوگرفتارکر لیا ۔العربیہ اردو کے مطابق یہ کریک ڈاون دبئی پولیس کی فائٹ بیگنگ کمپیئن کا حصہ ہے جس کا مقصد انسداد گداگری اور امارات کی مثبت ساکھ کو برقرار رکھنا ہے۔
جنرل ڈیپارٹمنٹ آف کرمنل انویسٹی گیشن نے بتایا کہ سخت اور فیصلہ کن اقدامات سے گداگروں کی تعداد میں سالانہ بنیاد پر کمی آئی ہے۔یاد رہے کہ متحدہ عرب امارات میں گداگری جرم ہے جس کی سزا 5 ہزار درہم جرمانہ اور تین ماہ تک قید ہے۔
گداگروں کے گروپ منظم کرنے یا متحدہ عرب امارات سے باہر بھرتی میں ملوث افراد کو چھ ماہ قید اور ایک لاکھ درہم جرمانے کا سامنا کرنا پڑ سکتا ہے۔علاوہ ازیں اجازت نامے کے بغیر فنڈ جمع کرنے پر پانچ لاکھ درہم تک جرمانہ ہو سکتا ہے۔
Short Link: https://urdu.app.com.pk/urdu/?p=568435
