پیرس۔18اکتوبر (اے پی پی): دسویں مینز رگبی ورلڈ کپ کا سیمی فائنل مرحلہ 20 اکتوبر سے شروع ہوگا۔ میگا ایونٹ کا پہلا سیمی فائنل میچ ارجنٹائن اور نیوزی لینڈ کی ٹیموں کےدرمیان 20 اکتوبر کو کھیلا جائے گا۔ دسویں مینز رگبی ورلڈ کپ کی سیمی فائنل لائن اپ مکمل ہوچکی ہے۔ ارجنٹائن،نیوزی لینڈ ، انگلینڈ اور دفاعی چیمپئن جنوبی افریقا کی ٹیمیں میگا ایونٹ کے سیمی فائنل رائونڈ میں پہنچ گئی ہیں۔
اس سے قبل میگا ایونٹ کے کوارٹر فائنل رائونڈ کے پہلے کوارٹر فائنل میچ میں ارجنٹائن کی ٹیم نے ویلز کو ہرا کر ٹاپ فور کے لئے کوالیفائی کیا۔ دوسرے کوارٹر فائنل میچ میں نیوزی لینڈ کی ٹیم نے آئرلینڈ کی ٹیم کو شکست دے کر سیمی فائنل کے لئے کوالیفائی کیا۔ تیسرے کوارٹر فائنل میچ میں انگلینڈ کی ٹیم نے حریف فجی کی ٹیم کو مات دے کر ٹاپ فور رائونڈ کے لئے کوالیفائی کیا جبکہ چوتھے اور آخری کوارٹر فائنل میچ میں دفاعی چیمپئن جنوبی افریقا نے انتہائی سخت مقابلے کے بعد میزبان فرانس کی ٹیم کو ہرا کر ٹاپ فور رائونڈ تک رسائی حاصل کی۔
میگا ایونٹ کا پہلا سیمی فائنل میچ 20 اکتوبر کو ارجنٹائن اور نیوزی لینڈ کی ٹیموں کے درمیان کھیلا جائے گا جبکہ دوسرا سیمی فائنل میچ 21 اکتوبر کو دفاعی چیمیپن جنوبی افریقا اور انگلینڈ کی ٹیموں کے درمیان کھیلا جائے گا۔ میگا ایونٹ کے دونوں سیمی فائنل میچ سٹیڈ ڈی فرانس، سینٹ ڈینس میں کھیلے جائیں گے۔واضح رہے کہ دو فائنلسٹ ٹیموں کے دمریان میگا ایونٹ کافائنل میچ 28ا کتوبر کو اسی مقام پر کھیلا جائےگا۔
Short Link: https://urdu.app.com.pk/urdu/?p=402535
