اسلام آباد۔8نومبر (اے پی پی):دودھ ، کریم اور دودھ سے تیار غذاؤں کی درآمدات میں ستمبر 2020کے دوران57.07فیصد اضافہ ہوا ہے۔ ادارہ برائے شماریات پاکستان(پی بی ایس) کے اعدادوشمار کے مطابق ستمبر 2020میں درآمدات کا حجم 14.64ملین ڈالر تک بڑھ گیا جبکہ ستمبر2019 میں دودھ، کریم اور دودھ سے تیار غذاؤں کی درآمدات کا حجم 9.3ملین ڈالر رہا تھا ۔ اس طرح ستمبر2019کے مقابلہ میں ستمبر2020 کے دوران دودھ ، کریم اور دودھ سے تیار غذاؤں کی قومی درآمدات میں 5.34ملین ڈالر یعنی 57فیصد سے زیادہ کا اضافہ ریکارڈ کیا گیا ہے۔
