دو وفاقی وزراءاور چار وزراءمملکت کے محکموں کا اعلان کر دیا گیا‘کابینہ ڈویژن نے نوٹیفکیشن جاری کر دیا
وفاقی وزراءدانیال عزیز کو نجکاری‘ ممتاز احمد تارڑ کو انسانی حقوق کی وزارت کا قلمدان سونپ دیا گیا‘ وزراءمملکت سیّد ایاز علی شاہ شیرازی کو نیشنل فوڈ سیکورٹی اینڈ ریسرچ، میر دوستین خان ڈومکی کو آبی وسائل، محمد طلال چوہدری کو داخلہ جبکہ عثمان ابراہیم کو قانون و انصاف کے قلمدان سونپے گئے
اسلام آباد ۔ 31 اگست (اے پی پی) دو وفاقی وزراءاور چار وزراءمملکت کے محکموں کا اعلان کر دیا گیا۔ اس سلسلہ میں جمعرات کو کابینہ ڈویژن نے نوٹیفکیشن جاری کر دیا۔ نوٹیفکیشن کے مطابق وزیراعظم نے فوری طور پر وفاقی وزیر دانیال عزیز کو نجکاری اور وفاقی وزیر ممتاز احمد تارڑ کو انسانی حقوق کی وزارت کا قلمدان سونپ دیا ہے۔ اسی طرح وزیر مملکت سیّد ایاز علی شاہ شیرازی کو نیشنل فوڈ سیکورٹی اینڈ ریسرچ، وزیر مملکت میر دوستین خان ڈومکی کو آبی وسائل، وزیر مملکت محمد طلال چوہدری کو داخلہ جبکہ وزیر مملکت عثمان ابراہیم کو قانون و انصاف کے قلمدان سونپے گئے ہیں۔
