اسلام آباد۔3جولائی (اے پی پی):پاکستان سائیکلنگ فیڈریشن 2 کوچز کو یو سی آئی لیول ٹو کے تربیتی پروگرام میں شرکت کے لئے نامزد کر دیا۔یو سی آئی لیول ٹو کے تربیتی پروگرام ڈبلیو سی سی جنوبی کوریا دارالحکومت سیول ہوگا ۔بدھ کو پاکستان سائیکلنگ فیڈریشن کی جانب سے جاری بیان کے مطابق خاتون سائیکلسٹ کوچ مس ماہم اور مس انیسہ، ایک باصلاحیت رائیڈرہیں جن کا تعلق لیاری کراچی سے ہے جنوبی کوریا کے دارالحکومت سیول میں ورلڈ سائیکلنگ سینٹر (ڈبلیو سی سی) میں پاکستان کی نمائندگی کریں گی۔ وہ کل جمعرات کو لاہور سے جنوبی کوریا کے لئے روانہ ہوں گی۔ ماہم یو سی آئی لیول ٹو کے تربیتی پروگرام میں شرکت کریں گی، جس سے ان کی کوچنگ کی مہارت اور نکھار میں مزید اضافہ ہوگا۔
مس انیسہ بین الاقوامی تربیتی کورس میں اپنی سائیکلنگ کی مہارت کا مظاہرہ کریں گی۔ مس ماہم طارق نے جرمنی میں ہونے والے ورلڈ سپیشل اولمپکس میں شاندار کارکردگی کا مظاہرہ کیا تھا، جہاں انہوں نے پاکستان کے بچوں کو تربیت دی تھی۔ ان کی رہنمائی میں خصوصی بچوں نے چار گولڈ میڈل، چار سلور میڈل، اور دو کانسی کے تمغے جیتے۔ پاکستان سائیکلنگ فیڈریشن کے صدر سید اظہر علی شاہ نے مس ماہم اور مس انیسہ دونوں کے لیے نیک خواہشات کا اظہار کیا۔
انہوں نے کھیل میں ان کی فروغ کی اہمیت پر زور دیتے ہوئے خواتین کھلاڑیوں کو مکمل مواقع فراہم کرنے کے لیے پی سی ایف کے عزم کا اعادہ کیا۔ہمیں اپنی خواتین کھلاڑیوں اور کوچز کی مدد کرنے پر فخر ہے، اس بات کو یقینی بناتے ہوئے کہ انہیں بہترین تربیت اور مسابقتی مواقع تک رسائی حاصل ہو۔ مس ماہم اور مس انیسہ کی ڈبلیو سی سی کوریا میں شرکت ان کی ترقی اور کامیابی کے لیے ہماری لگن کا ثبوت ہے۔
سید اظہر علی شاہ نے کہا کہ اس پروگرام کے تمام اخراجات کورین سائیکلنگ فیڈریشن برداشت کرے گی۔ انہوں نے کورین سائیکلنگ فیڈریشن کے صدر اور ڈبلیو سی سی کوریا کے ڈائریکٹر مسٹر ایڈورڈ کا شکریہ ادا کیا کہ انہوں نے گزشتہ چند سالوں سے مسلسل پی سی ایف سائیکلسٹوں اور کوچز کے لیے تربیت کے مواقع فراہم کیے ہیں۔ پاکستان سائیکلنگ فیڈریشن کو یقین ہے کہ یہ موقع ہمارے کھلاڑیوں کی مہارت اور تجربے میں مزید اضافہ کرے گا اور پاکستان میں سائیکلنگ کے مستقبل میں مثبت کردار ادا کرے گا۔
