اسلام آباد ۔ یکم مارچ(اے پی پی) سال 2018ءکے دوران یونی لیور پاکستان فوڈز (یو ایل پی ایف) کے بعد از ٹیکس منافع میں 27.72 فیصد کا اضافہ ہوا ہے۔ پاکستان سٹاک ایکسچینج (پی ایس ایکس) کو بھیجے گئے کمپنی کے مالیاتی اعداد وشمار کے مطابق سال 2018ءکے دوران کمپنی کا خالص منافع 1.73 ارب روپے تک بڑھ گیا جبکہ سال 2017ءکے لئے یونی لیور پاکستان لمیٹڈ نے 1.35 ارب روپے کا بعد از ٹیکس منافع کمایا تھا۔ اسی طرح 2017ءکے مقابلے میں سال 2018ءکے دوران کمپنی کے بعد از ٹیکس منافع میں 0.38 ارب روپے یعنی 27.72 فیصد کا اضافہ ریکارڈ کیا گیا ہے۔
