فیصل آباد ۔ 25 اگست (اے پی پی):ڈائریکٹر زراعت فیصل آباد چوہدری خالد محمود نے کہا ہے کہ دھان کے کھیتوں میں جپسم ڈال کر ٹیوب ویلوں کے ناقص پانی سے ہونے والے نقصانات سے بچا جاسکتاہے کیونکہ اکثر مقامات پر ٹیوب ویلوں کاناقص پانی زمینوں کے پیداواری نتائج میں کمی کا باعث بن رہاہے لہٰذا جن علاقوں میں اس قسم کا پانی استعمال کیاجارہاہے وہاں کاشتکار 5بوری جپسم فی ایکڑ کے حساب سے کھاد کا چھٹہ دے دیں تاکہ اچھی پیدوار حاصل ہوسکے۔
انہوں نے کہا کہ نائٹروجنی کھاد کا بقیہ حصہ لاب کی منتقلی کے 35 دن بعد ڈالنے سے پہلے 4 سے 5 دن کیلئے فصل کو ہلکا سوکا دیاجائے اور اس کے بعد کھاد کا چھٹا دے کر پانی لگا دیاجائے تاکہ دھان کی اچھی پیداوار حاصل ہو سکے۔
