اسلام آباد ۔ 3 دسمبر (اے پی پی) وفاقی وزیر موسمیاتی تبدیلی مشاہد اللہ خان نے کہا ہے کہ دھرنے کرانے والوں نے پاکستان کا مثبت تشخص مسخ کیا، پاکستان میں سیاستدانوں نے زیادہ قربانیاں دی ہیں، سیاستدانوں کو لوڈ شیڈنگ کے خاتمے، ملک میں بھاری سرمایہ کاری، پاک چین اقتصادی راہداری اور دہشت گردی کے خلاف کامیابیوں کی سزا دی جا رہی ہے۔ ان خیالات کا اظہار انہوں نے اتوار کو یہاں مخدوم جاوید ہاشمی کی نئی کتاب کی تقریب رونمائی سے خطاب کرتے ہوئے کہی۔
