اسلام آباد۔29نومبر (اے پی پی):نگران وفاقی وزیر مذہبی امور انیق احمد نے کہا ہے کہ دین کے پیغام کو آگے بڑھانے کی ذمہ داری کو نوجوان اپنی ذمہ داری سمجھیں ۔ یہ بات انہوں نے یہاں قرآن اور آج کا نوجوان کے عنوان سے منعقدہ کیپٹل یوتھ ایکسپو سے خطاب کرتے ہوئے کہی ۔ انہوں نے کہا کہ ہمیں اپنے نوجوانوں سے بہت زیادہ امیدیں وابستہ ہیں۔
انہوں نے ایکسپو سے خطاب کرتے ہوئے کہاکہ آج کا نوجوان ہم سے زیادہ با صلاحیت ہے، سرکار دو عالمﷺ ۖ کی آمد عہد قدیم کا خاتمہ اور عہد جدید کا آغاز ہے، ہم قرآن کے بغیر زندگی گزارنے کا تصور بھی نہیں کر سکتے۔ انہوں نے نوجوانوں کو خصوصی نصیحت کرتے ہوئے کہا کہ قرآن کریم کی آیات کو پڑھا جائے، سمجھا جائے اور عمل کیا جائے، اللہ کی زمین پر اللہ کا نظام قائم کرنا ہماری مشترکہ ذمہ داری ہے،پاکستان کے مستقبل کی تشکیل میں نوجوانوں کا کردار کلیدی ہے۔
Short Link: https://urdu.app.com.pk/urdu/?p=415103
