جنیوا ۔ 26 اکتوبر (اے پی پی) سوئٹزرلینڈ کے بین الاقوامی شہرت یافتہ ٹینس سٹار اور سابق عالمی نمبر ایک راجر فیڈرر اور جرمنی کے الیگزینڈر زاویرو عمدہ کارکردگی کی بدولت سوئس انڈورز اوپن ٹینس ٹورنامنٹ مینز سنگلز کوارٹر فائنل میں پہنچ گئے جبکہ اینڈرس سیپی پری کوارٹر فائنل میں شکست کے بعد ایونٹ سے باہر ہوگئے۔ سوئٹزرلینڈ میں جاری ایونٹ میں کھیلے گئے مینز سنگلز پری کوارٹر فائنل میچ میں شہرہ آفاق ٹینس سٹار میزبان کھلاڑی راجر فیڈرر نے عمدہ کارکردگی کا مظاہرہ کرتے ہوئے حریف جرمن کھلاڑی جان لینارڈ سٹرف کو سٹریٹ سیٹس میں 6-3 اور 7-5 سے ہرا کر کوارٹر فائنل کے لئے کوالیفائی کرلیا۔
