راجہ پرویز اشرف کا قائد عوام ذوالفقار علی بھٹو کو ان کی یومِ شہادت پر خراج تحسین

لاہور۔3اپریل (اے پی پی):سابق وزیر اعظم اور پی پی وسطی پنجاب کے صدر راجہ پرویز اشرف نے قائد عوام ذوالفقار علی بھٹو کو خراج تحسین کرتے ہوئے کہا ہے کہ ان کی شہادت کادن ہمیں یاد دلاتا ہے کہ قائد عوام نے جمہوری جنگ کرتے ہوئے اپنی جان کی پروا نہیں کی۔انہوں نے کہا کہ بھٹو نے عوام کو بولنے کی آزادی،شناخت ، پاسپورٹ اور ملک کا پہلا متفقہ آئین دیا۔

راجہ پرویز اشرف نے مزید کہا کہ محنت کشوں،نوجوانوں اور کسانوں کیلئے نئے منصوبے شروع کیے، آج انکے مزار پر لاکھوں جیالوں کی حاضری انکی عوام دوستی کا ثبوت ہے،فخر ہے کہ ہم آج بھی بھٹو کے قافلے میں شامل ہیں۔ان کا کہنا تھا کہ کروڑوں جیالے آج بھٹو خاندان کی تیسری نسل کی قیادت میں آگے بڑھ رہے ہیں،گڑھی خدا بخش 4 اپریل کو بھٹو شہید سے جیالوں کی وفا کی گواہی دے گی۔

Short Link: https://urdu.app.com.pk/urdu/?p=578294