اسلام آباد۔22مئی (اے پی پی):وزیراعظم شہباز شریف نے رانا ثناء اللہ خان کو وزارت بین الصوبائی رابطہ کا قلمدان سونپ دیا۔ کابینہ ڈویژن سے جاری نوٹیفکیشن کے مطابق وزیراعظم شہباز شریف نے اپنے خصوصی اختیارات استعمال کرتے ہوئے وفاقی وزیر احسن اقبال سے وزارت بین الصوبائی رابطہ کا اضافی قلمدان واپس لیکر وزیراعظم کے مشیر برائے سیاسی و عوامی امور رانا ثناء اللہ خان کو وزارت بین الصوبائی رابطہ کا قلمدان سونپ دیا ہے۔ وہ وزارت بین الصوبائی رابطہ کے مشیر ہوں گے۔
