راولپنڈی۔ 27 جولائی (اے پی پی):محکمہ موسمیات نے 28 جولائی سے مون سون بارشوں کے نئے سلسلے کی پیشنگوئی کردی۔ محکمہ موسمیات نے ملک کے دوسرے حصوں کی طرح بالائی پنجاب میں بارشوں کے نئے سلسلے کا امکان ظاہر کیا ہے۔
28 جولائی سے 31 جولائی تک محکمہ موسمیات نے راولپنڈی، مری، اٹک، چکوال، جہلم، تلہ گنگ سمیت بالائی پنجاب کے دیگر علاقوں میں مون سون بارشوں، آندھی، طوفان اور کئی مقامات پر شدید بارشوں کی پیشگوئی کی ہے۔ بارشوں کے دوران راولپنڈی اور مری میں برساتی نالوں میں طغیانی اور لینڈ سلائیڈنگ کا خدشہ بھی ہے۔
اس حوالے سے محکمہ موسمیات نے الرٹ جاری کر دیا۔ بارشوں کے دوران شہری علاقوں میں اربن فلڈنگ کا بھی امکان ہے۔
پہاڑی علاقوں بلخصوص مری، گلیات میں لینڈ سلائیڈنگ کا خطرہ بھی ہو سکتا ہے جس کے باعث ٹریفک کی آمد و رفت متاثر ہو سکتی ہے۔
انتظامیہ نے سیاحوں اور مسافروں سے کہا ہے کہ وہ سفر کے دوران محتاط رہنے اور موسم کی صورتحال کے مطابق سفر کا پروگرام ترتیب دیں
Short Link: https://urdu.app.com.pk/urdu/?p=488122
