راولپنڈی۔22نومبر (اے پی پی):ڈائریکٹر جنرل راولپنڈی ڈیویلپمنٹ اتھارٹی کنزہ مرتضیٰ کی ہدایت پر راولپنڈی میٹرو کوریڈور کی تعمیر و مرمت کی وجہ سے 28 نومبر 2024 بروز جمعرات سے یکم دسمبر 2024 بروز اتوار تک پاکستان میٹرو بس سروس معطل رہے گی۔ اس دوران میٹرو بس کی خدمات دستیاب نہیں ہوں گی۔ یہ فیصلہ سروس کی بہترین کارکردگی اور حفاظت کو یقینی بنانے کے لیے کیا گیا ہے۔
ڈی جی آرڈی اے نے کہا ہم عوام الناس کو درپیش تکلیف کے لیے معذرت خواہ ہیں، ہم سمجھتے ہیں کہ اس وجہ سے عوام کو کچھ مشکلات کا سامنا ہو سکتا ہے لیکن یہ اقدامات میٹرو کوریڈور کی بہتری اور مرمت کے لیے ضروری ہیں۔ ڈی جی آرڈی اے کا کہنا ہے کہ تعمیر و مرمت کے بعد میٹرو کوریڈور کے معیار میں اضافہ ہوگا جس سے عوام کو مزید بہتر اور آرام دہ سفر کی سہولت فراہم کی جا سکے گی۔ میٹرو بس سروس کی معطلی سے متاثر ہونے والے مسافروں سے درخواست کی جاتی ہے کہ وہ متبادل سفری سہولتوں کا استعمال کریں۔
Short Link: https://urdu.app.com.pk/urdu/?p=528273
