راولپنڈی۔11مئی (اے پی پی):راولپنڈی پولیس نے ناجائز اسلحہ رکھنے والوں کے خلاف کارروائیاں کرتے ہوئے 6 افراد کو گرفتار کر لیا۔ زیرِ حراست افراد سے مختلف اقسام کا اسلحہ بمعہ ایمونیشن برآمد کر کے ان کے خلاف مقدمات درج کر لیے گئے ہیں۔ ترجمان پولیس کے مطابق راولپنڈی کے مختلف علاقوں میں جاری کارروائیوں کے دوران پولیس نے چھاپے مار کر ایسے افراد کو حراست میں لیا جو غیر قانونی اسلحہ رکھے ہوئے تھے۔
پولیس حکام کے مطابق زیرِ حراست افراد سے دستیاب اسلحہ اور گولیاں قبضے میں لے کر قانونی کارروائی کا آغاز کر دیا گیا ہے۔ ڈویژنل ایس پیز کا کہنا ہے کہ ہوائی فائرنگ اور ناجائز اسلحہ رکھنے والوں کے خلاف بلاامتیاز کارروائیاں جاری رکھی جائیں گی تاکہ شہریوں کی جان و مال کا تحفظ یقینی بنایا جا سکے۔ راولپنڈی پولیس شہریوں کے تحفظ اور امن و امان کی فضا کو برقرار رکھنے کے لیے بھرپور اقدامات جاری رکھے ہوئے ہے۔
Short Link: https://urdu.app.com.pk/urdu/?p=595671
