راولپنڈی گوجر خان جی ٹی روڈ پر کراس فائرنگ سے 2افراد کی ہلاکت کا معاملہ،آئی جی پنجاب نے نوٹس لے لیا

لاہور۔18مارچ (اے پی پی):راولپنڈی گوجر خان جی ٹی روڈ پر کراس فائرنگ سے 2افراد کی ہلاکت کے معاملہ کاآئی جی پنجاب ڈاکٹر عثمان انور نے نوٹس لے لیااور آر پی او راولپنڈی سے رپورٹ طلب کر لی۔ترجمان کے مطابق دونوں افراد کے درمیان پرانی دشمنی تھی جو کہ ایک دوسرے کی فائرنگ سے جاں بحق ہوئے جبکہ ایک ساتھی فرار ہو گیا، جس کی گرفتاری کیلئے ٹیمیں تشکیل دے دی گئی ہیں۔آئی جی پنجاب نے سی پی او راولپنڈی کو اس معاملہ پر سخت قانونی کارروائی کرنے کی ہدایت کی۔انہوں نے ہدایت کی کہ فرارہونے والے ملزم کی جلد از جلد گرفتاری یقینی بنائی جائے۔

Short Link: https://urdu.app.com.pk/urdu/?p=573894