- Advertisement -
اسلام آباد۔31اگست (اے پی پی):راول ڈیم کے سپل ویز اتوار کو دن 12 بجے کھولے جائیں گے۔ این ڈی ایم اے کے میڈیا ونگ کے مطابق راول ڈیم کا لیول 1751.20 فٹ پر پہنچ چکا ہے ۔ ڈیم کے سپل ویز کھولنے کے فیصلہ کے حوالہ سے این ڈی ایم اے نے تمام متعلقہ اداروں کو پیشگی آگاہ کر دیا ہے۔
این ڈی ایم اے نے کہا ہے کہ راول ڈیم کے سپل ویز کھولنے سے کورنگ نالہ میں پانی کے بہاؤ میں اضافہ متوقع ہے،کورنگ نالہ سے ملحقہ رہائشی آبادیوں کے مکین محتاط رہیں۔ این ڈی ایم اے نے عوام سے التما س کی ہے کہ پانی کا بہاؤ تیز ہونے کی صورت میں نالہ اور نالے پر بنے عارضی پل کراس کرنے سے گریز کریں۔
- Advertisement -
