راول ڈیم کے سپل ویز کھول دیئے گئے

اسلام آباد۔2ستمبر (اے پی پی):وفاقی دارالحکومت میں شدید بارش کے باعث پانی میں اضافہ کے تناظر میں راول ڈیم کے سپل ویز (آج) منگل کی صبح کھول دیئے گئے ۔ این ڈی ایم اے کی جانب سے جاری بیان کے مطابق راول ڈیم کا لیول 1751.70 فٹ پر پہنچ چکا ہے جس کے باعث راول ڈیم کے سپل ویز کھولے گئے ،

این ڈی ایم اے نے تمام متعلقہ اداروں کو پیشگی آگاہ کیا اور کورنگ نالہ سے ملحقہ رہائشی آبادیوں کے مکینوں کو محتاط رہنے کی ہدایت کی گئی۔عوام سے کہا گیا ہے کہ پانی کا بہاؤ تیز ہونے کی صورت میں نالہ اور نالے پر بنے عارضی پل کراس کرنے سے گریز کریں۔