انقرہ ۔ 8 جولائی (اے پی پی) ترکی کے صدر رجب طیب اردوان نے اپنی سیاسی جماعت کے پارلیمانی گروپ اجلاس میں رکن پارلیمنٹ سے خطاب کرتے ہوئے کہا کہ قومی ارادے کو پس پردہ ڈالنے والے کسی بھی موقف کے سامنے ہم گھٹنے نہیں ٹیکیں گے، ہم نے دہشت گردی کی زنجیر کے کئی ایک مہروں کو توڑ ڈالا ہے۔ترک خبرساں ادارے کے مطابق انہوں نے بتایا کہ دہشت گرد تنظیم فیتو کے خلاف جنگ بھی مسلسل جاری ہے، انہوں نے پہلی صدارتی قرار داد (کل) پیر کو شائع ہونے کی وضاحت کرتے ہوئے بتایا کہ پیر کوحلف برداری کی تقریب کے بعد ترکی میں ایک نئے دور کا آغاز ہو رہا ہے۔ قومی اسمبلی میں ضروری کارروائی کے بعد ایوان ِ صدر میں ایک شاندار فرائض کے آغاز کی داغ بیل ڈالی جائیگی۔ انہوں نے کہا کہ اب تک کے حتمی بندوبست کے مطابق اس تقریب میں 22 ممالک کے صدور، 17 وزراءاعظم، نائب صدور اور سپیکران ِ اسمبلی شرکت کر یں گے۔طیب اردوان کا کہنا تھا کہ نئی کابینہ میں قومی اسمبلی سے بھی بعض شخصیات شامل ہو سکتی ہیں۔
