اسلام آباد۔10مارچ (اے پی پی):بین الاقوامی مالیاتی فنڈ ( آئی ایم ایف) نے کہا ہے کہ رسد کے مسائل کی وجہ سے افراط زر پر قابو پاتے ہوئے اقتصادی بحالی پالیسی سازوں کے لئے اہم چیلنج ہے۔ ایک بلاگ میں آئی ایم ایف نے کہا ہے کہ کووڈ۔19 کے باعث صارفین کی خدمات کے حصول پر اخراجات کم جبکہ مینوفیکچرنگ مصنوعات خریدنے کے اخراجات میں اضافہ ہواہے۔
ادارے کا کہنا ہے کہ معاشی بحالی کی حکمت عملی کے تحت مینوفیکچرنگ کی پیداوار بڑھی ہے تاہم کیمیکل اور مائیکرو چپس سمیت دیگر خام مال کی قلت کے مسائل سے صنعتی شعبے کی پیداوار متاثر ہو رہی ہے، ترسیل کے مسائل کی وجہ سے مصنوعات کی قیمتوں میں اضافہ ہوا ہے ۔
آئی ایم ایف نے کہا کہ ترسیل کی مشکلات سےافراط زربڑھا ہے اور افراط زر پرقابو پاکر معاشی بحالی یقینی بنانا پالیسی سازوں کے لئے ایک اہم چیلنج ہے۔
