اقوام متحدہ۔13اپریل (اے پی پی):اقوام متحدہ کے ادارہ برائے مہاجرین نے رمضان میں کروڑوں کی تعداد میں مہاجرین اور نقل مکانی کرنے پر مجبور ہونے والے افراد کے لیے باہمی تعاون اور کہیں زیادہ امداد فراہم کرنے کی اپیل کی ہے۔
مہاجرین کے ادارے نے مسلم امہ کے لیے انتہائی اہمیت کے حامل ماہ رمضان کے آغاز کے حوالے سے ایک تحریری اعلان جاری کیا ہے۔اعلامیہ میں کہا گیا ہے کہ مختلف وجوہات کی بنا پر اپنے گھر بار کو ترک کرنے پر مجبور ہونے والے افراد کو بھی عالمی ویکسینشن پروگرام میں اور اقتصادی امداد میں مساوات فراہم کی جائے۔
یہ بھی واضح کیا گیا کہ دنیا بھر میں مہاجرین کا تین بٹا چار بنیادی ضروریات کے نصف حتی اس سے بھی کم سطح پر گزارا کرنے پر مجبور ہے۔لہذا ہمیں ان کی جانب مزید توجہ دیتے ہوئے امدادکی سطح میں اضافہ کرنا ہوگا۔
