لاہور۔9مارچ (اے پی پی):پنجاب پولیس انسداد پتنگ بازی ایکٹ پر سختی سے عملدرآمد کروانے میں مصروف عمل ہے، ترجمان پولیس کے مطابق رواں سال لاہور سمیت صوبہ بھر میں انسداد پتنگ بازی ایکٹ کی خلاف ورزی پر 2030 ملزمان گرفتار اور1993 مقدمات درج کئے گئے ،اسی طرح 04 لاکھ 20 ہزار 266 پتنگیں، 14 ہزار 139 چرخیاں برآمد اور1731 کیسز کے چالان جمع کروائے گئے،ترجمان نے بتایا کہ صوبائی دارالحکومت میں 534 ملزمان گرفتار، 542 مقدمات درج، 19508 پتنگیں اور 779 ڈور چرخیاں برآمد کیں جبکہ گذشتہ سال لاہور سمیت صوبہ بھر میں 12525 ملزمان گرفتار اور 11866 مقدمات درج کیے گئے ،
آئی جی پنجاب کا کہنا ہے کہ آر پی اوز، سی پی اوز اور ڈی پی اوز پتنگ بازوں، پتنگ فروشوں و مینوفیکچررز کے خلاف کریک ڈائون میں تیزی لائیں اور پتنگ بازی ممانعت ترمیمی بل کے قانون پر سختی سے عملدرآمد یقینی بنائیں، آئی جی پنجاب نے کہا کہ جان لیوا سرگرمی کی ہرگز اجازت نہیں، خونی دھندے میں ملوث افراد کے خلاف زیرو ٹالرنس اپنائیں ،دھاتی ڈوراور پتنگوں کے آن لائن کاروبار میں ملوث عناصر کو بھی قانون کی گرفت میں لایا جائے،آئی جی پنجاب نے والدین سے اپیل کی ہے کہ وہ اپنے بچوں کو اس خونی کھیل سے دور رکھیں اور شہری کسی بھی مقام پر پتنگ بازی کی صورت میں 15 پر اطلاع دے کر ذمہ داری کا ثبوت دیں۔
Short Link: https://urdu.app.com.pk/urdu/?p=570582
