اسلام آباد۔25اپریل (اے پی پی):رواں سال کی دوسری انسداد پولیو مہم پانچویں روز کامیابی سے جاری ہے ،پولیو مہم 27 اپریل تک بلاتعطل جاری رہے گی ۔نیشنل ای او سی کی جانب سے جاری اعداد شمار کے مطابق ابتدائی چار روز میں 4 کروڑ 10 لاکھ بچوں کو پولیو کے قطرے پلائے جا چکے ہیں۔
پنجاب میں 91 فیصد، سندھ میں 88 فیصد، خیبرپختونخوا میں 94 فیصد اور بلوچستان میں 92 فیصد بچوں کی ویکسی نیشن مکمل اور اسلام آباد میں 82 فیصد، آزاد کشمیر میں 99 فیصد جبکہ گلگت بلتستان میں 96 فیصد بچوں کو پولیو کے قطرے پلائے جا چکے ہیں۔27 اپریل تک مزید 40 لاکھ سے زائد بچوں کو پولیو سے بچاؤ کے قطرے پلائے جائیں گے۔
این سی او سی کے حکام نے والدین سے اپیل کی ہے کہ پولیو ورکرز کے ساتھ بھرپور تعاون کریں۔پانچ سال سے کم عمر بچوں کو ہر مہم کے دوران پولیو کے قطرے لازمی پلوائیں۔پولیو مہم کے دوران پولیو ٹیم سے رابطے کے لئے ابھی 1166 پر کال کریں یا پولیو واٹس ایپ ہیلپ لائن 03467776546 پر میسج کریں۔
Short Link: https://urdu.app.com.pk/urdu/?p=587765
